Campaña contra os despedimentos na Función Pública

Desde a CNT de Compostela damos início a unha campaña de denúncia das condicións de contratación que se dan na Xunta de Galicia. Despois de vários despedimentos en diferentes consellerias, a CNT non permaneceremos en siléncio, senon que damos início a esta campaña contra a subcontratación e a explotación laboral na administración, campaña que culminará cunha manifestación en Compostela o vindeiro dia 11 de Febreiro de 2011.

A Xunta de Galicia continua coas lucrativas prácticas de privatización dos servizos públicos subcontratando traballadores e traballadoras por medio de empresas externas.
Esta práctica constitui unha ilegalidade e significa subcontratación, precariedade e cesión ilegal.

E cal é a resposta da Xunta? Acoso, represión laboral e despedimentos.

A CNT ten denunciado esta situación en várias consellarias (Educación, Sanidade, Medio Rural...). Xa chegou de precariedade na Xunta de Galicia.

READMISIÓN D@S COMPAÑEIR@S DESPEDID@S!

NON À PRIVATIZACIÓN DOS SERVIZOS PÚBLICOS!

CONVOCATÓRIA DE PRAZAS XA!