O Sindicato de Oficios Varios da CNT de Ferrol convoca unha
concentración o vindeiro xoves 29 de setembro, ás 20:00 horas, na praza de
Armas, baixo o lema "A loita está na rúa: cara á folga xeral".
Un ano despois da folga xeral do 29 de setembro de 2010, a clase traballadora
continúa a padecer novas e gravísimas agresións, polo que consideramos que tamén
continúa sendo necesaria unha resposta organizada da clase traballadora. Se as
obreiras e os obreiros non son quen de facer efectiva a súa protesta, van
continuar as políticas de recortes e a perda de dereitos, artellada
conxuntamente por gobernos e institucións europeas, que cada vez máis están ao
servizo da patronal e dos mercados.
Este sindicato chama á participación da clase traballadora nesta
concentración, que quere ser o inicio dun ciclo de mobilizacións que remate
cunha folga xeral contra as políticas antisociais e antiobreiras que levamos
padecendo dende hai moitos anos. Chamamos ás traballadoras e traballadores, en
activo ou en paro, aos estudantes, ás persoas afectadas polos recortes sociais,
aos movimientos sociais e quenes dende as asambleas en prazas e barrios
comparten a necesidade de camiñar cara a unha folga xeral, a facer súa e
participar nesta convocatoria do 29 de setembro. Noutras localidades do estado
haberá tamén concentracións e manifestacións con este motivo, organizadas polos
sindicatos Confederación General del Trabajo (CGT), Confederación Nacional del
Trabajo (CNT), CO.BAS, Coordinadora Sindicalismo de Clase (CSC) e Solidaridad
Obrera (SO), pois a intención desta mobilización é dar lugar a un proceso de
organización da resposta popular contra as políticas antisociais.
1 comentario:
C.G.T. correos a coruña convoca una concentración enfrente al edificio de correos de Ferrol a las 18h del 29 de septiembre en a pollo al compañero despedido de Fene .
Publicar un comentario