1. O Sindicato xoga un papel organizador e coordinador. Desde a Secretaría de Acción Social tomouse a iniciativa de facer as primeiras reunións informativas. O Grupo e totalmente independente do sindicato tanto na toma de decisións como na tesoureiría.
2. O Sindicato aporta a infraestructura básica. O local do sindicato abrirase todas as semanas durante 4 horas para facer o reparto de pedidos. Os horarios non interfiren en nada a vida sindical normal.
3. Os socios/as non teñen porque ser afiliados. O grupo pretende abrirse a todos os interesados sexan ou non afiliados. Todos participan nas mesmas condicións.
4. A CNT de Betanzos marcou simplemente 3 condicións.
Para os productos perecederos ou de Horta.
a- Os productores teñen que ser da Comarca
b- Os productores teñen que traballar de forma respetuosa co medio ambente e preferiblemente co selo de “agricultura ecolóxica”
c- Os productores non poden ser empresas con asalariados. A CNT admitirá empresas familiares e cooperativas que non exploten man de obra e fomentará a economía autoxestionada.
Para os productos imperecederos:
Asociamonos á Cooperativa de A Coruña ZOCAMIÑOCA e aos productos e productores cos que traballan
5. O funcionamento do Grupo e moi básico. Os asociados fan vía correo electrónico un pedido semanal antes do mércores. Os Xoves á tarde pasarán a recoller o pedido ao local do sindicato.
De momento contamos coa oferta de 15 productos aprox. de temporada e de máis de 150 dos que proceden da Cooperativa Zocamiñoca.
Toda modificación ou cambio na maneira de traballar virá determinado polas asambleas de consumidores e productores, quedando o sindicato alleo a estas, agás pola participación dos afiliados do sindicato que poidan ser aomesmo tempo socios do Grupo de Consumo.
Animádevos a participar. Poñedevos en contacto coa CNT de Betanzos: betanzos@cntgaliza.org.
No hay comentarios:
Publicar un comentario